ရန်ကုန်မြို့ တရုတ်ယဉ်ကျေးမှုစင်တာတွင် ၂၀၂၄ခုနှစ် သြဂုတ်လ(၂)ရက်နေ့ ကျင်းပပြုလုပ်သော နှလုံးသားမှ ပိုးလမ်းမ၊ နက်ရှိုင်းသော ပေါက်ဖော်မေတ္တာဖလှယ်ခြင်းနှင့် Care For the Future လှူဒါန်းမှုအခမ်းအနားသို့ မြန်မာ-တရုတ်ချစ်ကြည်ရေးအသင်း(ဗဟို)ဥက္ကဌကိုယ်စား အလုပ်အမှုဆောင် (၃)ဦး တက်ရောက်ခဲ့ကြပါသည်။
အခမ်းအနားတွင် China Foundation for Peace and Development (CFPD) ဒုတိယ အထွေထွေအတွင်းရေးမှူးချုပ် Mr Liu Zhenzhong၊ မြန်မာနိုင်ငံဆိုင်ရာ တရုတ်သံရုံး နိုင်ငံရေးရာ သံမှူး Ms Qiao Li ၊ ရန်ကုန်တိုင်းဒေသကြီး အခြေခံပညာဦးစီးဌာန ညွှန်ကြားရေးမှူး ဒေါ်ခင်သန်းဦး၊ ရန်ကုန်တိုင်းဒေသကြီး အားကစားနှင့် ကာယပညာဦးစီးဌာန ဒုတိယညွှန်ကြားရေးမှူး ဦးကျော်ထူးအောင်နှင့် ရန်ကုန်တိုင်းအတွင်းရှိ အထက/အမက ကျောင်း(၆)ကျောင်းမှ ဆရာ/ဆရာမများ နှင့် ကျောင်းသားကိုယ်စားလှယ်များ၊ ဖိတ်ကြားထားသူများ တက်ရောက်ခဲ့ကြပါသည်။