မြန်မာ-တရုတ်ချစ်ကြည်ရေးအသင်း(ဗဟို)၏ အလုပ်အမှုဆောင် လစဉ်ပုံမှန်အစည်းအဝေး (၃/၂ဝ၂၅) ကြိမ်မြောက်အား အသင်းရုံးအစည်းအဝေးခန်းမ၌ ၃-၃-၂၀၂၅ ရက်နေ့ ၁၃၀၀ နာရီအချိန် ကျင်းပပြုလုပ်ခဲ့ရာ ဥက္ကဋ္ဌ ဦးတင်ဦး၊ ဒုတိယဥက္ကဋ္ဌများနှင့် အလုပ်အမှုဆောင်များ တက်ရောက်ခဲ့ကြပြီး အစည်းအဝေးတွင် နာယက ဦးဝင်းအောင် မှ အသင်းရန်ပုံငွေသို့ သိန်း ၅၀၀ ကျပ် ပေးအပ်လှူဒါန်းခဲ့ရာ ဥက္ကဌ မှ လက်ခံရယူကာ ဂုဏ်ပြုမှတ်တမ်းလွှာပြန်လည်ပေးအပ်ခဲ့ပြီး
ယခင်လ အစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှုများနှင့် ရှေ့လုပ်ငန်းစဉ်များအား ဆွေးနွေးခဲ့ကြပြီး ၁၄၁၅ နာရီချိန်တွင် အောင်မြင်စွာပြီးဆုံးခဲ့ပါသည်။