၁။ မြန်မာ-တရုတ်ချစ်ကြည်ရေးအသင်း(ဗဟို) နှင့် ပြည်တွင်း မိတ်ဘက် အသင်းအဖွဲ့များ ချစ်ကြည်ရေး၊ ပူးပေါင်းဆောင်ရွက်ရေးနှင့် မိတ်ဘက်ညီနောင် အသင်းအဖွဲ့ထူထောင်ရေးဆိုင်ရာ နားလည်မှုစာချွန်လွှာ (Memorandum of Understanding-MOU) လက်မှတ်ရေးထိုးနိုင်ရေး ညှိနှိုင်းအစည်းအဝေးကို မြန်မာ-တရုတ်ချစ်ကြည်ရေးအသင်း(ဗဟို)ရုံးရှိ အစည်းအဝေးခန်းမ၌ ၇-၃-၂၀၂၅ ရက်နေ့ နံနက် ၁၀၀၀ နာရီအချိန်တွင် ကျင်းပပြုလုပ်ခဲ့ရာ မြန်မာနိုင်ငံတရုတ် ကုန်သည်များ အသင်းချုပ်၊ ဟုတ်ကြန့်(ဖူကင်)တရုတ်အမျိုးသားများအသင်း၊ ရန်ကုန် ယူနန် လူမှု ကူညီရေးအသင်း နှင့် မြန်မာနိုင်ငံ ကွမ်တုံကုန်သည်များနှင့် စက်မှုလက်မှုလုပ်ငန်းအသင်းတို့မှ တာဝန်ရှိသူများ တက်ရောက်ခဲ့ကြပါသည်။
၂။ အစည်းအဝေးတွင် မိတ်ဘက် ညီနောင်အသင်းအဖွဲ့ ထူထောင်ရေးနှင့် ပူးပေါင်း ဆောင်ရွက် ရေးအတွက် လိုအပ်ချက်များကို ညှိနှိုင်းဆွေးနွေးကာ နားလည်မှုစာချွန်လွှာ လက်မှတ်ရေးထိုးရန် သဘောတူညီဆုံးဖြတ်ခဲ့ကြပြီး ၁၁၁၅ နာရီအချိန်တွင်ပြီးဆုံးကာ အစည်းအဝေးအား အောင်မြင်စွာ ကျင်းပနိုင်ခဲ့ပါသည်။