မြန်မာ-တရုတ်ချစ်ကြည်ရေးအသင်း(ဗဟို) ဥက္ကဋ္ဌ ဦးတင်ဦး ဦးဆောင်၍ မြန်မာနိုင်ငံတရုတ် ကုန်သည်များအသင်းချုပ်၊ ရန်ကုန်ယူနန်လူမှုကူညီရေးအသင်း၊ မြန်မာဟုတ်ကြန့်(ဖူကင်)တရုတ် အမျိုးသားများအသင်း၊ မြန်မာနိုင်ငံကောင်းတုံကုန်သည်နှင့် လုပ်ငန်းရှင်များအသင်းတို့ စုပေါင်း၍ ရွှေတိဂုံစေတီတော်မြတ်ကြီးအား ရွှေသင်္ကန်း ၁၉ ကျပ်သား (ကျပ် ၄၇၅ သိန်း) ကပ်လှူပူဇော်ပွဲ အခမ်းအနားကို ၁၉-၃-၂၀၂၅ ရက်နေ့ နံနက်ပိုင်းတွင် ရှေးဟောင်းတန်ဆောင်းခန်းမ၌ လှူဒါန်းပူဇော် ခဲ့ကြသည်။ ရန်ကုန်တိုင်းဒေသကြီး ဥက္ကဋ္ဌဆရာတော် ဒွိပိဋကဘဒ္ဒန္တအဂ္ဂသာမိ၊ ရွှေတိဂုံဩဝါဒါစရိယ လှရတနာဆရာတော်၊ ရွှေပြည်သာဆရာတော်တို့ ကြွရောက်ချီးမြှင့်ကြ၍ သီလခံယူခြင်း၊ ဂေါပကအဖွဲ့ထံ ရွှေသင်္ကန်းများလှူဒါန်းပေးအပ်ခြင်း၊ သာဓုအနုမောဒနာတရားနာယူ၊ အမျှပေးဝေခြင်းများ ပြုခဲ့ကြသည်။ ဆက်လက်၍ အလှူရှင်များက ရွှေသင်္ကန်းများအား ရွှေတိဂုံစေတီတော်မြတ်ကြီး၏ လိုအပ်သော ကိုယ်လုံးတော်၌ စုပေါင်းကပ်လှူပူဇော်ခဲ့ကြကြောင်း သိရပါသည်။