မြန်မာ-တရုတ်ချစ်ကြည်ရေးအသင်း(ဗဟို) ဥက္ကဋ္ဌသီရိပျံချီ ဦးတင်ဦး ဦးဆောင်သော မိတ်ဘက်ညီနောင်အဖွဲ့များ၊ မိသားစုများ၏ ရွှေတိဂုံစေတီတော်မြတ်ကြီး ရွှေပြားသင်္ကန်းတော် အတွက် ဒုတိယအကြိမ် အလှူတော်ငွေပေးအပ်လှူဒါန်းပွဲအခမ်းအနားကို ၂၀၂၅ မတ်လ ၃၁ ရက်နေ့ နံနက် ၀၇၃၀ ချိန် ရွှေတိဂုံဘုရား တောင်ဘက်မုခ်၊ ရှေးဟောင်းတန်ဆောင်းတွင် ကျင်းပပြုလုပ် ခဲ့ပါသည်။
အခမ်းအနားသို့ ရွှေတိဂုံစေတီတော် ဩဝါဒစရိယ ရန်ကုန်တိုင်း ဥက္ကဋ္ဌဆရာတော် ဒွိပိဋက ဘဒ္ဒန္တအဂ္ဂသာမိ၊ လှရတနာဆရာတော်၊ ရွှေပြည်သာဆရာတော်၊ ရဟန္တာသိမ်တော်ကြီးကျောင်း ဆရာတော် ဂုဏလင်္ကာရ တို့ကြွရောက်ချီးမြှင့်ခဲ့ပြီး ဥက္ကဋ္ဌဆရာတော်ထံမှ ငါးပါးသီလခံယူ ဆောက်တည်ခြင်း၊ ဦးတင်ဦးမှ လှူဒါန်းမှုနှင့်ပတ်သက်၍ လျှောက်ထားခြင်း၊ ဥက္ကဋ္ဌ ဦးတင်ဦး နှင့် အလှူရှင်များက စုပေါင်းလှူဒါန်းသော ရွှေပြား ၃၁ ချပ်၊ ကျပ်သိန်း (၇၇၅)သိန်းကို ဂေါပကအဖွဲ့ထံ ပေးအပ်လှူဒါန်းခြင်းတို့ကို ဆောင်ရွက်ခဲ့ပြီး လှရတနာဆရာတော်ထံမှ သာဓုအနုမောဒနာ တရားနာယူ ရေစက်ချ အမျှပေးဝေခြင်းတို့ကို ဆောင်ရွက်ခဲ့ပါသည်။
ဥက္ကဋ္ဌ ဦးတင်ဦး၊ ဦးဆောင်သော အလှူရှင်အဖွဲ့သည် ရွှေပြား ၃၁ ချပ်ကို ရခိုင်တန်ဆောင်းတွင် ပန်းရထားပေါ်သို့ ကိုယ်တိုင်တင်လှူ ပူဇော်မှုများကို ပြုလုပ်ခြင်း၊ စုပေါင်း မှတ်တမ်းတင် ဓါတ်ပုံရိုက်ကူးခြင်းတို့ကို ဆောင်ရွက်ခဲ့ကြပါသည်။