၁။ မြန်မာပြည်တရုတ်မျိုးနွယ်ရိုးရာ နှစ်သစ်ကူးပွဲတော်အား ကြိုဆိုဂုဏ်ပြုသောအားဖြင့် အနုပညာဖျော်ဖြေပွဲနှင့် ညစာစားပွဲအခမ်းအနားကို ၂၀၂၅ခုနှစ် ဇန်နဝါရီ(၂၂)ရက်နေ့ (ဗုဒ္ဓဟူးနေ့) ညနေ(၁၇၃၀)ချိန် Pan Pacific Hotel တွင် ကျင်းပပြုလုပ်ခဲ့ရာ မြန်မာ-တရုတ်ချစ်ကြည်ရေးအသင်း(ဗဟို) ဥက္ကဌ ဦးတင်ဦး နှင့် ဒုဥက္ကဌများ၊ အလုပ်အမှုဆောင်များ တက်ရောက်ခဲ့ကြပါသည်။
၂။ အဆိုပါအခမ်းအနားတွင် ဥက္ကဌ ဦးတင်ဦး မှ ကြိုဆိုနှုတ်ဆက်ဂုဏ်ပြု ကျေးဇူးတင်စကားပြောကြားခဲ့ပြီး အနုပညာဖျော်ဖြေတင်ဆက်မှုများကို အားပေးကြည့်ရှုခဲ့ကြကာ ညစာသုံးဆောင်ခြင်း၊ စုပေါင်းမှတ်တမ်းတင် ဓါတ်ပုံရိုက်ကူးခြင်းများကို ဆောင်ရွက်ခဲ့ကြပြီး (၂၀၀၀)ချိန်တွင် အောင်မြင်စွာပြီးဆုံးခဲ့ပါသည်။