၂၀၂၅ ဖေဖော်ဝါရီလ ၁၂ ရက်နေ့ ၁၈၀၀ နာရီချိန်တွင် မြန်မာ-တရုတ်ချစ်ကြည်ရေးအသင်း(ဗဟို) ဥက္ကဋ္ဌ ဦးတင်ဦး နှင့် နာယကများ၊ ဒုတိယဥက္ကဋ္ဌများ ပါဝင်သောအဖွဲ့သည် မြန်မာနိုင်ငံဆိုင်ရာတရုတ်ပြည်သူ့သမ္မတနိုင်ငံ သံအမတ်ကြီး Ms. Ma Jia ၏ ဖိတ်ကြားချက်အရ သံအမတ်ကြီးနေအိမ်တွင် ကျင်းပပြုလုပ်သည့် ညစာစားပွဲသို့ တက်ရောက်ခဲ့ပါသည်။
ဥက္ကဋ္ဌ နှင့် သံအမတ်ကြီး တို့သည် ချစ်ကြည်ရေးနှင့်ဆက်ဆံရေးဆိုင်ရာ ကိစ္စရပ်များဆွေးနွေးခြင်း၊ အပြန်အလှန် နှုတ်ဆက်စကားများ ပြောကြားခြင်း၊ နှစ်ဖက်တက်ရောက်လာသူများကို မိတ်ဆက်ပေးခြင်းများကို ဆောင်ရွက် ခဲ့ကြပြီး သံအမတ်ကြီး တည်ခင်းသော ညစာကို ရင်းနှီးခင်မင်စွာ အတူတကွ သုံးဆောင်ခဲ့ကြပါသည်။
ဥက္ကဋ္ဌ ဦးတင်ဦး နှင့် သံအမတ်ကြီး Ms. Ma Jia တို့သည် ညစာသုံးဆောင်ပြီးနောက် အပြန်အလှန် လက်ဆောင်ပေးအပ်ခြင်း၊ စုပေါင်းမှတ်တမ်းတင် ဓါတ်ပုံရိုက်ကူးခြင်းများကို ဆောင်ရွက်ခဲ့ကြပြီး အခမ်းအနားသည် ၂၀၀၀ နာရီချိန် ပြီးဆုံးခဲ့ပါသည်။